同男朋友去慶祝生日
可能因為只有2個人，安排咗去一個大廳，係普通餐廳嘅裝修，完全無日式感覺，首先扣咗分
我哋叫咗梅$888，雪$588然後就係前菜，職員會介紹每一樣前菜係咩。味道都幾好味，只係份份量好細，係正常嘅味。
1
食完前菜，職員會比和牛嘅證書你睇
跟住煮完就拎過嚟，唔係席前燒🥲
和牛3塊，菜幾塊，豆腐2塊，冬菇2塊，洋蔥2塊，仲有啲粉絲係底。完。份量真係有啲少。大食嘅人會唔夠飽，好彩我哋食量細，岩岩好，但唔滿足到個胃🙂 和牛正常和牛，豆腐滑嘅，食材係新鮮嘅，但份量真係少。
可能我想要嘅嘢呢次佢都無，見到openrice勁多人係包箱，話好味，環境日式，席前燒，結果係燒好先上菜，會感到失望。
跟住就上咗個甜品，有寫生日快樂，個職員好主動幫我哋影相，服務係勤快嘅，仲成日幫手加茶水。
整體而言，食材係新鮮，服務係殷勤，但覺得over price咗。如果每人$800嘅價錢，會有其他更好嘅選擇。
