叫左碗魯肉飯、手工麻香麵線、滷水拼盤同珍珠鐵觀音奶茶。
魯肉飯相比我最愛台北個間金峰，真係爭好遠，呢度個汁偏甜，啲肉雖然切得大粒啲，但口感無金峰咁好，唔會令人食唔停口，金峰個啲魯肉飯真係令我食上癮，食過既人就會明！
手工麻香麵線聞落好香麻油味，但食落好淡，失望😞
滷水拼盤有豬大腸、牛肚同牛筋，豬大腸洗得乾淨無臭味，牛肚同牛筋炆到好入味，牛筋好淋好勁膠質正呀！底下重有啲芽菜墊住，可惜啲汁無味淡茂茂😓😓同埋好細碟，咁就$78，重要未計加一。
珍珠鐵觀音奶茶叫左少甜少冰，幾好飲，珍珠係細過平日坊間個隻size，台北飲過都係咁細粒，唯一唔同個邊分小同中size，中size係成個啤酒杯🍺咁大！黎到香港大縮水！
唔會再食😓因為唔係十分好食，又唔抵食，重要花時間排隊，無下次！
