Burgeroom (Fashion Walk)

Open Now

Now Closed

同男朋友踏入第二年，鐘意周圍搵食既我地，今年以burger🍔為主題，每個月都會走訪一間Burger店，不論大小店、獨立店定連鎖店，同大家分享下我地既食後感。打頭陣既就係聞名已久既Burgerroom啦！為咗避開等位既人，我地黃昏六點去到即刻入得。男朋友最期待既畫面出現啦！burger相當有份量，連薯條，唔怕食唔飽。講返個包，d鵝肝味道不算太濃，一咬落去有係口腔融化既感覺，漢堡扒都有d肉汁，唔錯唔錯！😋我初時都怕個鵝肝好油膩，不過d生菜同蕃茄都非常之新鮮，一d都無油膩感！到我個魚柳漢堡，首先睇下塊魚柳用咗咩炸皮，好似都幾薄脆咁喎，色呢part過關！食啦！塊魚柳真係色香味俱全，炸皮薄又脆，魚塊好juicy! 簡單的美味。以呢一個價錢其實我地會認為係可以一試，食物亦都係好食既，不過以性價比既角度考慮，就未必會返兜了。由於呢一篇係補寫返上年八月的食評，當時仲未搬鋪，而且相隔咗半年，有些感覺可能忘記了，寫得未必咁好，請見諒。