.
一眾肉類中最推極黑霜降牛肉眼，比澳沖和牛更有驚喜，當然牛舌都係燒肉必備，作為台式燒肉當然唔少得台灣食物，私心推介屏東燒魚腹同三杯雞，另外仲有自助式嘅櫻花蝦滷肉飯，睇到呢度嘅朋友應該會覺得燒肉放題然後食飯係一件好戇居嘅事，而我當時食之前都有同一想法，但當食到咁上下想食啖飯嗰陣，以一試無妨嘅心態整咗碗，發覺真心不得了，其實佢個滷肉汁係冇肉的，不過唔緊要反正燒肉放題自己加肉上去，重點係個汁爆到超香，加到成個飯就係超惹味，同埋紫菜碎同油浸櫻花蝦都係任落，再加返霜降肉眼或者牛舌撈埋一齊食，個人覺得直情超越左牛角飯嘅地位😂
.
當然仲有我每次去台灣都會飲爆作嘅嘅蘋果西打，同埋佢同一般放題唔同最後個雪糕可以轉做檸檬愛玉超正囉！(btw當晚我點得最多嘅汁竟然係辣椒醬，作為唔食辣嘅我覺得超級正，因為佢哋個辣椒醬完全唔辣而且有浸台灣醬料味der~)
.
