Video
Read full review
2020-07-31
409 views
呢間想食好耐，自從睇過報道佢嚟咗香港之後，就覺得一定要搵日試吓。結果你睇呢個題目都知道，我最後食咗啲咩落肚。不如我哋講咗食物質素先，其實我覺得佢個拉麵$138一碗，平同抵食就唔輪到佢，但係味道真係唔錯的，鋪頭位置，味道，同埋好似話係嚟自日本嘅呢個名堂，呢個價錢都唔會話係完全接受唔到的。*****服務態度*****我預咗要排隊嘅，雖然只係Weekday嘅三四點時間，但係我冇預期排隊嘅時候會有人隊個Menu俾你，然後要你喺後巷身水身汗排緊隊嘅時候揀要乜，拿呢樣野唔緊要嘅，天氣熱唔係你嘅錯，但然後，要乜冇乜，因為本身MENU 上都係得四款定唔知五款嘅拉麵，只係剩返一兩款可以俾你揀。OK 呢樣野都唔緊要，可能真係好好味，要限量，生意好賣晒，都唔係你嘅錯，生意興隆係好事，但揀完之後要排緊隊嘅你立刻俾錢，斷絕左你正常餐廳排隊，排排下覺得太熱太肚餓太攰等太耐，都係覺得唔想食嘅機會，咁於是你問佢，咁大概仲有幾耐左右，佢簡而清、毫無感情、鏗鏘地、只係答你兩個字 — 唔知。嗱嗱嗱，果下仲要攞住部機係你面前準備收你錢，嗰兩個字係特別UN耳嘅。我知你唔知，但你可以有好多個方法回答呢一個問題，例如前面仲有幾多個
不如我哋講咗食物質素先，其實我覺得佢個拉麵$138一碗，平同抵食就唔輪到佢，但係味道真係唔錯的，鋪頭位置，味道，同埋好似話係嚟自日本嘅呢個名堂，呢個價錢都唔會話係完全接受唔到的。
*****服務態度*****
我預咗要排隊嘅，雖然只係Weekday嘅三四點時間，但係我冇預期排隊嘅時候會有人隊個Menu俾你，然後要你喺後巷身水身汗排緊隊嘅時候揀要乜，拿呢樣野唔緊要嘅，天氣熱唔係你嘅錯，但然後，要乜冇乜，因為本身MENU 上都係得四款定唔知五款嘅拉麵，只係剩返一兩款可以俾你揀。OK 呢樣野都唔緊要，可能真係好好味，要限量，生意好賣晒，都唔係你嘅錯，生意興隆係好事，但揀完之後要排緊隊嘅你立刻俾錢，斷絕左你正常餐廳排隊，排排下覺得太熱太肚餓太攰等太耐，都係覺得唔想食嘅機會，咁於是你問佢，咁大概仲有幾耐左右，佢簡而清、毫無感情、鏗鏘地、只係答你兩個字 — 唔知。嗱嗱嗱，果下仲要攞住部機係你面前準備收你錢，嗰兩個字係特別UN耳嘅。我知你唔知，但你可以有好多個方法回答呢一個問題，例如前面仲有幾多個左右，一般來講預計幾耐知幾耐左右，同埋態度可以好少少，囉。
*****詭異事件*****
食咗冇耐，有個好似剛跑完步嘅後生仔，喺門口望吓望吓，好似想入嚟食咁，佢望一望Open Kitchen嘅廚師，因為嗰一刻冇任何侍應係樓面，廚師點頭示意佢入嚟，後生仔身水身汗入咗嚟，特登坐喺最近門口嘅 bar 位，感覺好似唔想有汗味影響到其他人？突然之間一位女侍應行左出嚟，見到後生仔坐咗喺嗰度，佢行過去同後生仔講唔好意思要點左菜先可以入嚟。嗰一刻門口已經冇人排隊，舖頭亦都唔係滿座，但係雖然好明顯係滿頭問號嘅後生仔，就要離開自己個位，戇居居咁行返出舖頭門口，同嗰位女仕應喺烈日當空下嘅舖頭出邊，做咗我哋頭先排隊時候做嘅動作，點菜，俾錢，然後又戇居居咁行返入嚟頭先個位度坐低。
呢件事我哋同其他食客望到，雖然冇講出口但係顯然大家都覺得好詭異。女侍應有可能都係跟返舖頭規矩（？！）但係真係極級奇怪，而佢當時嘅態度雖未如排隊嘅時候的男侍應一般惡劣，但執行出呢種常人都會覺得唔尋常，同不必要地麻煩（嚴格來講甚至有少少侮辱）到客人嘅安排時，亦未見特別良好。面上一 D 都唔見有硬性服從公司咁令人尷尬的安排嘅尷尬。
*****總結*****
排隊你要人落單先，俾咗錢先，係生意嘅角度，我明白係想控制每日限量嘅食材份量。咁對店鋪各個方面都比較有利，明㗎喂，真係明。但係執行上，會唔會有較為圓滑嘅方法？就例如至少確保下員工既服務態度唔會太差？大家都係消費者，老闆出去都會係一個消費者，將心比心，可唔可以諗吓點樣嘅安排先至令顧客順從到方便你嘅系統之餘，又感覺冇咁差？
Post