西貢星越泰風味館 (Closed)

我２月６日去食下午茶，諗住貪佢平，一坐低剛剛好換下午茶餐牌，有個金毛中坑負責換牌，當我伸手叫佢俾我牌我時，佢當我冇到，跟手插個餐牌落個座，我跟手攞個時，佢睇啤啤望住我，覺得我阻住佢插第二個牌落去，唉．．．都算喇，咁叫野啦，女朋友個炒飯等左１５分鐘到，我個撈檬等左２０分鐘都未到，隔離枱個湯檬都到左（居然湯檬仲難整過撈檬），跟住叫左個叫「七叔」待應跟單，佢聽完又走去第二張枱等人落單，唯有再搵第二個跟，好快２分鐘就到左。跟住到第二枱人叫野，人地都未叫完，個女待應就越叫越走，好似趕住去死咁。又到後面張枱，人地坐左成個字，居然一個待應都冇去理人地，要人地走去中間叫人地落單，最離譜係人地返左埋位後，仍然都係冇人理佢地。最後，我埋單一毫子貼士都冇俾，成間餐廳差不多成１０個待應，面積唔算大，咁都可以搞到咁亂，呢個餐廳老闆不如打工算，管理技能差到貼地。一間餐廳，服務係最重要，無論你煮得幾好食都好，服務差你幾好食我都唔會再幫襯。