Video
Read full review
2017-07-30
853 views
以前一星期食LUNCH都會幫襯一次, 但而家就越來越少, 原因係服務質素越來越差, 首先去到餐廳門口, 冇人招呼你, 收銀員得閒先會問你幾位, 以前一入門口已經有位侍應招呼你, 加上門口一定係排長龍等位, 所以大家去食都會自動自覺喺門口排隊, 之後又會有侍應出黎問幾多位, 做食客既最緊要係去到餐廳有人理你, 如果去到都冇人理你既, 咁下次都唔駛去幫襯, 今次去到門口都係冇人理, 有啲食客自己去搵位添, 有啲又自己上樓上搵位, 明明我地企咗喺到等位先, 之後收銀員收好晒錢啦, 先問我地幾位, 又叫我地上樓上等, 行咗幾步又有個侍應話你地入房呢邊, 入到去門口大房咁啱有4位卡位, 今次竟然有一個駐場既侍應喺到, 我地諗住落單既時侯, 先發現原來有半場人係等緊落單, 平時呢間房係叫天不應叫地不聞既, 除非有野上菜, 如果唔係唔會有侍應走入嚟睇場, 今日呢位侍應好明顯係新人, 加上有落錯單既情況出現凍檸茶 - 好明顯飲水部既職員好粗心大意, 有杯係漏咗比飲管, 檸茶一如以往茶底濃檸檬新鮮精選B餐係牛肉烏冬配雲吞 - 牛肉有啲半生熟, 烏冬冇乜煙韌口感, 雲吞蝦肉都爽口, 湯底都唔錯精選A餐係豬
凍檸茶 - 好明顯飲水部既職員好粗心大意, 有杯係漏咗比飲管, 檸茶一如以往茶底濃檸檬新鮮
精選B餐係牛肉烏冬配雲吞 - 牛肉有啲半生熟, 烏冬冇乜煙韌口感, 雲吞蝦肉都爽口, 湯底都唔錯
精選A餐係豬扒出前一丁配炒蛋多士 - 多士多牛油, 炒蛋半生熟, 麵底唔算爽口, 豬扒軟熟*** 食物質素都不過不失, 但服務質素就越來越差, 人手又唔夠, 最唔想去食既原因係冇人理, 一間餐廳除咗要有好既食物吸引人外, 最重要就係服務態度啦, 價錢都係其次, 服務態度差仲點吸引到客人下次再光臨呢?
Post
