Read full review
2020-07-20
569 views
Bella Shine 係觀塘工廈嘅中價西餐廳，之前告過急，並推出晚市二人套餐六折優惠，吸引咗唔少人去幫襯，好評唔少，不過亦有若干劣評，主要環繞服務問題。早排我就試咗一次，睇下到底啲評論可唔可信。我哋叫咗兩個午餐，分別係比目魚西京燒定食同明太子卡邦尼尖通粉，隨餐附送餐湯或沙律以及飲品。當日嘅餐湯係蕃茄湯，味道偏酸，頗合我口味，跟湯嘅蒜蓉包烘得好脆，蒜蓉同牛油味濃郁，唔錯。主菜嘅比目魚扒算大塊，肉質亦嫩滑，配菜有茄子同椰菜，全部蘸上燒汁一齊食，頗為鮮味，不過由於全部食材裝咗喺一隻大碗入面，較為似 “比目魚西京燒大碗飯”，同定食嘅期望有啲落差😂。卡邦尼通粉則略嫌明太子味唔太夠，醬汁亦唔太有卡邦尼 feel，不過味道正常，配上煙肉片同大量紫菜絲，食落都幾滋味。我哋係一點入座，當時客人好多，枱同枱之間空間非常少，坐得唔算舒服。客人多，店員有時未能即時提供服務，絕對可以體諒。不過，當兩點鐘大部份客人已經埋單離開之後，估唔到服務依然未有改善，我前後舉咗三次手，同一個 order 講第三次，先至有店員真正幫我落 order 叫餐飲😂，我那性急嘅家姐已經 black face，所以當杯咖啡嚟到之後，我
我哋叫咗兩個午餐，分別係比目魚西京燒定食同明太子卡邦尼尖通粉，隨餐附送餐湯或沙律以及飲品。當日嘅餐湯係蕃茄湯，味道偏酸，頗合我口味，跟湯嘅蒜蓉包烘得好脆，蒜蓉同牛油味濃郁，唔錯。主菜嘅比目魚扒算大塊，肉質亦嫩滑，配菜有茄子同椰菜，全部蘸上燒汁一齊食，頗為鮮味，不過由於全部食材裝咗喺一隻大碗入面，較為似 “比目魚西京燒大碗飯”，同定食嘅期望有啲落差😂。卡邦尼通粉則略嫌明太子味唔太夠，醬汁亦唔太有卡邦尼 feel，不過味道正常，配上煙肉片同大量紫菜絲，食落都幾滋味。
我哋係一點入座，當時客人好多，枱同枱之間空間非常少，坐得唔算舒服。客人多，店員有時未能即時提供服務，絕對可以體諒。不過，當兩點鐘大部份客人已經埋單離開之後，估唔到服務依然未有改善，我前後舉咗三次手，同一個 order 講第三次，先至有店員真正幫我落 order 叫餐飲😂，我那性急嘅家姐已經 black face，所以當杯咖啡嚟到之後，我匆匆飲完，匆匆埋單走人。後來睇返啲相先發現，我哋仲未食甜品呀😭...
Post
