Read full review
2019-09-29
398 views
嚟開太子拎蛋糕，就search下呢頭有咩抵食。原來呢間餐廳用eatigo訂位，主餐牌有6折，甜品、飲品同其他餐牌既嘢食就正價。其實佢個泰式打邊爐好吸引，但今次用咗優惠訂枱，冇理由唔用架嘛🙈🙈🙈 所以先試試主餐牌，冇伏下次就嚟試邊爐🤪今次嗌咗一個生菜包、一個馬沙文咖喱牛腩飯、一杯泰奶茶同埋一個芒果糯米飯。生菜包啲肉碎好細粒，好易擺上生菜度食，生菜爽口，大大塊又冇爛葉，肉碎份量都夠，唔太酸，辣度都夠，推介～咖喱就冇影到相，但係幾香，牛腩夠淋，撈飯食好正～泰奶茶就不過不失啦，唔算太甜，但正價$38又唔係抵飲。最後芒果糯米飯啲芒果唔當造偏酸，但糯米飯係熱既，咬落去煙煙韌韌，大家可以夏天再去試。備註：嗰晚個芒果糯米飯等咗好耐，應該漏咗單，但d staff態度好好，又幫我地雪蛋糕，又主動換碟食甜品，等耐啲都冇所謂啦～
今次嗌咗一個生菜包、一個馬沙文咖喱牛腩飯、一杯泰奶茶同埋一個芒果糯米飯。
生菜包啲肉碎好細粒，好易擺上生菜度食，生菜爽口，大大塊又冇爛葉，肉碎份量都夠，唔太酸，辣度都夠，推介～
咖喱就冇影到相，但係幾香，牛腩夠淋，撈飯食好正～
泰奶茶就不過不失啦，唔算太甜，但正價$38又唔係抵飲。
最後芒果糯米飯啲芒果唔當造偏酸，但糯米飯係熱既，咬落去煙煙韌韌，大家可以夏天再去試。
備註：嗰晚個芒果糯米飯等咗好耐，應該漏咗單，但d staff態度好好，又幫我地雪蛋糕，又主動換碟食甜品，等耐啲都冇所謂啦～
Post
