Video
Read full review
2023-12-02
48 views
店名：Cafe Gabbana地址：九龍城南角道62號地舖之前聽朋友推介過話九龍城都有一間好高質既多國菜西餐廳，一早預約咗同另一半今晚黎試一試😋果然無令我地失望！餐廳門口裝潢用咗白色特色牆，離遠已經望到同其他食店好唔同，好靚好特別，而且臨近聖誕，亦有一啲聖誕裝飾，睇得出有花心思佈置👍門口放置咗大大既餐牌，方便途人經過行過睇到餐廳有咩食，同埋會列埋是日精選餐單，因應返當做既食物而製作餐單，食材都新鮮好多😋！入到餐廳，環境非常乾淨，寬敞企理，有一盞大大既特色吊燈，而牆上都有好多唔同既畫俾客人欣賞。餐廳用咗黃色為主色，俾人感覺好溫馨和諧又舒服，好有氣氛👍👍前菜係蒜蓉包同埋洋蔥湯，蒜蓉包整得好脆👍👍勁好味，配埋洋蔥湯個味道好夾，好開胃😋主食方面叫咗意式焗乳豬$308、黑松露帶子意飯 $208、黑松露風乾火腿Pizza$188平時乳豬只會在中式酒樓先會食到，無諗到係西餐廳都可以食到咁高質既乳豬，一碟有六件大大舊👍每件既外皮都焗得好脆，脂肪同肉既比例恰恰好，沾埋佢俾既醬汁，味道再昇華😆😆👍而黑松露帶子意飯都相當有特色，有三隻大大既帶子係飯上面，帶子鮮嫩多汁，搭配香氣濃郁既黑松露，營造出豐富層次感😊
地址：九龍城南角道62號地舖
之前聽朋友推介過話九龍城都有一間好高質既多國菜西餐廳，一早預約咗同另一半今晚黎試一試😋果然無令我地失望！
餐廳門口裝潢用咗白色特色牆，離遠已經望到同其他食店好唔同，好靚好特別，而且臨近聖誕，亦有一啲聖誕裝飾，睇得出有花心思佈置👍門口放置咗大大既餐牌，方便途人經過行過睇到餐廳有咩食，同埋會列埋是日精選餐單，因應返當做既食物而製作餐單，食材都新鮮好多😋！
入到餐廳，環境非常乾淨，寬敞企理，有一盞大大既特色吊燈，而牆上都有好多唔同既畫俾客人欣賞。餐廳用咗黃色為主色，俾人感覺好溫馨和諧又舒服，好有氣氛👍👍
前菜係蒜蓉包同埋洋蔥湯，蒜蓉包整得好脆👍👍勁好味，配埋洋蔥湯個味道好夾，好開胃😋
主食方面叫咗意式焗乳豬$308、黑松露帶子意飯 $208、黑松露風乾火腿Pizza$188
平時乳豬只會在中式酒樓先會食到，無諗到係西餐廳都可以食到咁高質既乳豬，一碟有六件大大舊👍每件既外皮都焗得好脆，脂肪同肉既比例恰恰好，沾埋佢俾既醬汁，味道再昇華😆😆👍
而黑松露帶子意飯都相當有特色，有三隻大大既帶子係飯上面，帶子鮮嫩多汁，搭配香氣濃郁既黑松露，營造出豐富層次感😊，而米飯好軟熟入味，每啖飯有淡淡既黑松露回香，令人回味無窮！
黑松露風乾火腿Pizza係我今次最鍾意既主食，佢個餅底整得勁脆勁好味，個餅底整到好似千層酥咁，中間有餡，淨係個餅底口感已經好豐富😋再加埋火腿既鮮美同黑松露既香氣，我自己一個都差唔多食晒成碟Pizza😆😆
整體感覺相當滿意，朋友果然無介紹錯👍九龍城唔係淨係得泰國菜，仲有性價比高既多國菜👍值得推介👍👍
Post
