去閒逛嘅時候見到呢間嘅環境唔錯，天氣又好熱就直接入去坐吓
呢間餐廳嘅水都有薄荷葉，有少少清涼嘅感覺
因為唔太餓，我哋叫咗兩個set lunch menu試吓
第一個上菜嘅係「沙嗲豬肉串燒配椰醬飯」
因為都係即叫即整，所以上菜都係熱辣辣😋
但成個飯最令我深刻印象嘅係配飯嘅辣醬好惹味🤭，配飯一流
最後就係「咖喱燒雞配太陽蛋🍳飯」
燒雞嘅雞皮好脆，雞肉都唔會太乾👍🏻👍🏻
配上香辣嘅咖喱汁，好快我哋又KO咗兩碟飯🍛
午餐menu送杯青檸熱飲，可以解膩
因為行到攰攰哋，所以我哋食完都抖咗陣先走
悠閑噤過咗個幾鐘先離開
雖然係小店但係睇得出佢哋有用心煮食
長州太多觀光客，一啲出名嘅店舖反而太匆忙同擠擁
呢度裝修又靚，唔會有趕急嘅感覺
