銘翠軒餐廳

今日幫襯咗一間非常有誠意嘅茶餐廳，估唔到下午茶餐嘅炒粉麵都可以炒得咁好，連埋凍飲$49，CP值極高。

呢碟星洲炒米係下午茶餐時段嘅出品，熱辣辣，真係即叫即炒，米粉炒得夠乾身，咖哩粉又香，佢入面啲蝦仁都幾大粒，不過可惜係冇味嘅，呢個接受到，間間茶餐廳都係咁，49蚊冇要求啦。

餐飲叫咗杯凍奶茶少甜少冰，杯嘢嘅size又唔會特別細喎，味道ok，而且真係有少甜少冰，唔係講一套做一套。呢間嘢位置比較偏僻，難得水準出色。