六重煙肉雜菌芝士漢堡
煙肉一向都係burger既絕配，煙肉好香口，搭配雜菌的鮮味，加埋芝士融化得岩岩好，每一啖個味都好夾，層次分明，個包唔會太濕，好食。
雙層手打牛肉芝士漢堡
喱個款式更加係我食burger必食既組合。牛肉厚實多汁，食得出同一般既漢堡肉有明顯分別，牛肉味非常香，雙層令整體口感更加豐富，咬下去幸福感爆棚。
炸雞蒜香野菌芝士漢堡
炸雞外脆內嫩，蒜香味十足，打開入面好似係一粒粒既炸蒜，搭配新鮮的野菌，有種好獨特的風味，個人黎講會推介喱個burger，夠特別。
炸薯條都相當不錯，薯條炸得夠乾身，搭配的黑松露醬和蜜糖芥末醬都非常夠味，成功令薯條風味提升，兩種醬料都各有特色。
今時今日經濟唔好，有心既小店經營都有難度，想食burger既都可以試下喱間burger shot，相信都會有驚喜!
2
