三叔小食 (Closed)

三叔喺東大街已經一段時間，客人唔算多，不過佢嘅小食其實係做得唔錯嘅～今日買咗佢嘅甜餅同撈麵做午餐， 兩樣都係即叫即做，等咗約十分鐘.甜餅攞到返屋企仲好熱辣，咬落去好軟熟，花生涵料香口，欣賞佢用錫紙包一包塊餅，好似西餅咁精緻，食嗰陣又唔會整污糟隻手，值得一讚！打開盒撈麵，又有驚喜，配料款式多，樣樣都有啲，豬頸肉，魚片，腩碎，春卷，牙菜，排得靚靚仔仔 ，味道整體都算唔錯，賣廿五蚊我覺得係抵食！