今日有幸做野又經過銅鑼灣，梗係去一間平日排曬長龍無乜機會食到既大戶屋啦﹗仲要唔係LUNCH HOUR，真係差唔多等都唔使等直入咁滯，點佐我最愛既鯖魚定食。
不過野食都始終等得幾耐，大約20分鐘佐右，不過上菜時就覺得乜都特返曬，條鯖魚好大條，絕對唔係一般日本定食可以食到既尺寸，果然係一分錢一分貨，成個定食仲有前菜，湯同埋甜品，一SET過齊曬，最抵讚係條魚，雖然大條，但都好鮮，好香口，送飯真係一流，好少食鯖魚定食係食曬D飯仲有大半條魚未食﹗
分量真係無得輸，有質又有量﹗如果唔係放假太多人，應該可以經常黎食～唯有等下次做野經過銅鑼灣再黎試下其他款式啦
1
