Read full review
2017-01-18
6062 views
好耐無去HeSheEat食啦，想當年排隊排到傻，仲要係門口喂蚊，他們甜品好出色好靚，經過左一段日子，人係貪新鮮，我就無去了，最近才知道原來出左小食，晚餐，於是心癢的今晚就去食， 我和朋友分別點了，廚師推介香煎紐西蘭羊架$158，黑松露春雞意大利飯$128，炸磨菇釀雞肉$68， 綠茶窩夫$58， 抹茶奶昔$42，士多啤梨玫瑰花茶$45， 埋單$499。 首先第1道食物係炸磨菇釀雞肉，剛好有沙律係底，沙律菜淋了檸檬汁 所以酸酸地幾香，磨菇都幾大隻釀到圓波形，切開仲有d菇汁，我建議大家唔好一口禁放嘴食，因為剛炸好好熱好脆，菇汁好juicy,免治雞肉亦很配，呢個小食好有口感又有層次，而所配沙律醬係黑松露蛋黃醬，唔好唔點因為好味，我們連菜都點這款沙律醬，食清晒唔做大嘥鬼，雖然得四件菇。第2道就係飲品啦，首先抹茶奶昔，面層有鮮忌廉，抹茶味濃而不過甜，不是綠茶粉次貨扮，入口滑溜味道乎合黃金比例；士多啤梨玫瑰花茶，開頭見到士多啤梨雪糕好興奮，但因為相機食先架嘛，影完先急急食雪糕，因為怕雪糕溶，係呢個時候我發現雪糕放左一個玫瑰花形的冰內，所以不會接觸到玫瑰花茶，而且因為冰包圍著，完全沒有走樣，士多啤梨雪
炸磨菇釀雞肉
$68
41 views
0 likes
0 comments
主菜:香煎紐西蘭羊架， 賣相好吸引，3件羊架架仔烤得剛好，肉是粉紅的，又嫩又易咬，羊架少少羶，但呢點羶我覺得可以接受，而且好應該食羊有羊的味道呀伴碟黑醋沙律食晒，配菜烤意大利黃瓜，意大利青瓜，黃椒，紅椒，顏色鮮明，簡單清甜。
另一個黑松露燒春雞意大利飯，芝士味濃，飯應該用左雞湯，芝士，同黑松露碎，食落軟綿綿又香香的味道，燒春雞係烤完放上面，半邊春雞起左骨的雞胸和雞脾位，外皮燒烤過微甜有蜜糖味，肉質唔乾唔鞋，可能因為春雞肉比較嫩，呢味菜個盤好熱，我相信成碟放過入烤爐，我隻手中招，喜歡拍照的小心。
甜品當然不可錯過綠茶窩夫，禁耐無黎水準無跌，日本紅豆（大粒），黑糖漿，綠茶味窩夫，外脆內軟啡色配綠色，綠茶雪糕同吃，我忍唔住影了又影，真心的多一球雪糕就更perfect有點意由未盡 無去禁耐真係不知道，HeSheEat都加左主菜，以後慶祝，紀念日，一條龍西餐又多一個地方選擇。拍拖朋友必到景點，基本上女性一定喜歡提外話:服務員落單時甜品講左後上，到我們食完主菜，服務員收碟再換左套新碟同义給我的食甜品，甜品上桌我們發現並不是所點甜品，服務員即時撤走，並道歉實在難得，今時今日服務態度，值得一讚！
炸磨菇釀雞肉
$68
25 views
0 likes
0 comments
抹茶奶昔， 士多啤梨玫瑰花茶
$45
32 views
0 likes
0 comments
煎紐西蘭羊架
$158
41 views
0 likes
0 comments
黑松露燒春雞意大利飯
$128
33 views
0 likes
0 comments
綠茶雪糕窩夫
$58
28 views
0 likes
0 comments
Post
