Loi Fat Koon Hot Pot & Dim Sum

綜合收到情報，分析後到此一探，睇吓行動不便嘅，出入方唔方便，去廁所有冇困難，試試早茶預備明晚帶人嚟打打佢邊爐，試嘅途中已有念頭搵另一間，首先強調食物品質及味道係好嘅，但員工就有問題，尤其啲著西裝褸嘅領班，入到場冇帶位，自由揀位坐，接受，坐低冇人理，一般情況都係咁，爭取時間剔點心紙，到有人嚟開茶，要求畀多個空茶壼，到茶嚟到冇空壼跟𠹺，問問亞姐，佢攞咗剔好嘅兩張點心紙就去如黃鶴冇答覆，唯有自己搞掂啦！拎住個空茶壼未坐番低，畀個著“西裝褸”嘅女人截住，揸住個黑色夾單本，用落口供口吻，問我叫咗乜嘢食？吓？？？妳手上都有份點心清單，係想問乜嘢呢？咁話佢知兩張點心紙上便剔嘅都係，跟住點心只嚟咗，叫嘅8樣嘅其中3 樣，隔籬遲我入坐客人已經食緊同我未到嘅同款點心，追問啦！跟住另一個著背心嘅亞姐幫我追單，問我有乜未到？8樣只嚟咗3樣，攞起張清單，剔起未到嗰5樣去追，跟住只嚟咗兩樣，仲有3 碟呢？過一段時間再追問，佢話咪問咗“你爭啲乜未到囉”，？？妳攞住張剔住邊啲未到嘅清單，咁都仲瀨落我喥冇講爭乜嘢？佢跟住仲話你等得就等啦！唔等得就唔好要啦！嘩！唔要我就唔會多次追問啦？我都話番句，妳做得嚟就做啦！做唔嚟就咪做份工喇！呢檔係乜嘢嚟㗎？唔係要求你間嘢，有乜嘢貴賓式服務態度，應有嘅達到客人基本要求唔會過份呀？必要嘅亦可收番相當費用，為何要為難客人呢？後來從另一渠道得知，原來著西裝褸嗰位，認為我唔可以要8款點心，主動刪除咗5樣，到我再追所欠5款時又再刪除3款，我冇光頭又冇扎髻，點睇都唔係和尚道士嚟化緣呀？抑或覺得我係惡人嚟食霸王餐？如果有咁顧慮，你哋可以收定錢先𠺝！咁咪唔使擔心啦！一定推薦親朋戚友唔好嚟呢間，食品嘅質素唔係高到讓人受氣囉！

你部機都一次出咗8樣嘢，要搞到追幾次，係唔想畀人食定認為我食唔起？

一啲都唔係香煎，似亞媽整唔好咁熱氣。

蘿蔔硬未夠身。

爆成咁，味道冇影響。