Read full review
2022-11-22
2425 views
餐廳提供3款價位的omakase，亦有提供單點。對和牛無研究既當然係揀Omakase，唔洗自己諗！見網上唔少人都係揀中間價位有9個cuts + 2 vegetables 既 "Kiwami" $980，我地就試試最平有5個 + 1 vegetable既 "Premium" $580。-🎈Appetiser前菜方面可以揀牛肉他他壽司或者和牛壽司。牛肉他他壽司就會配甜蝦，而和牛壽司就係一塊微微燒過既和牛。兩款都會跟一枝小膠管，入面裝住豉油，食客可以按需要自行添加。前菜就不過不失啦🧐推薦指數: 7/10-🎈OMAKASE “PREMIUM” ($580)係燒每一款肉之前店員都會拎張Wagyu Beef Chart出嚟介紹接下來會食既部位，以及餐廳建議嘅食法。味道會由肉味淡到濃嘅順序去食，最平呢個omakase set有5 cuts再加-👉SHAKUSHI 杓子作為第一道燒肉應該係牛肉味相對最淡的。餐廳為呢一道牛肉添加咗牛油豉油同wasabi。豉油被製成一個小方塊，入口係泡泡嘅口感，第一次食覺得超有趣。推薦指數: 7.5/10-👉UWAMI 相對其他切片嘅牛肉嚟講，uwami係切做粒狀的。加少
餐廳提供3款價位的omakase，亦有提供單點。對和牛無研究既當然係揀Omakase，唔洗自己諗！見網上唔少人都係揀中間價位有9個cuts + 2 vegetables 既 "Kiwami" $980，我地就試試最平有5個 + 1 vegetable既 "Premium" $580。
-
🎈Appetiser
前菜方面可以揀牛肉他他壽司或者和牛壽司。牛肉他他壽司就會配甜蝦，而和牛壽司就係一塊微微燒過既和牛。兩款都會跟一枝小膠管，入面裝住豉油，食客可以按需要自行添加。前菜就不過不失啦🧐
推薦指數: 7/10
-
🎈OMAKASE “PREMIUM” ($580)
係燒每一款肉之前店員都會拎張Wagyu Beef Chart出嚟介紹接下來會食既部位，以及餐廳建議嘅食法。味道會由肉味淡到濃嘅順序去食，最平呢個omakase set有5 cuts再加
-
👉SHAKUSHI 杓子
作為第一道燒肉應該係牛肉味相對最淡的。餐廳為呢一道牛肉添加咗牛油豉油同wasabi。豉油被製成一個小方塊，入口係泡泡嘅口感，第一次食覺得超有趣。
推薦指數: 7.5/10
-
👉UWAMI
相對其他切片嘅牛肉嚟講，uwami係切做粒狀的。加少少七味粉就夠～
推薦指數: 7/10
-
👉DAISANKAKU 大三角
同行嘅友人都覺得呢款係全晚最好食，油脂感非常充足！唔需要其他調味，就咁食已經非常足夠。
推薦指數: 8/10
-
👉MUSHROOM
食完油脂感咁重嘅肉之後就會燒冬菇。店員燒嘅時候會噴上少少酒，口感好juicy。
推薦指數: 7/10
-
👉KURI 栗
呢個部位同SHAKUSHI好近。店員微微燒過後就會將肉片放入湯中，去一去油膩感。呢個食法幾新奇，不過重口味人士表示都係中意就咁燒肉多啲😹
推薦指數: 7.5/10
-
👉SIRLOIN
去到全晚最尾一款和牛，肉味最重亦都係油脂感最重。同行友人都鍾意食DAISANKAKU大三角，不過最後呢一款就係我嘅最愛！因為佢食落真係成啖脂肪咁，正所謂唔肥不如唔好食😹 連埋生蛋黃同飯一齊食，油膩感真係最重。
推薦指數: 8/10
-
🎀總括而言🎀
👉食物：牛肉真係超高質😻 開頭覺得會唔夠飽，但係食完之後因為油份好重其實都好濟。我哋叫5 cuts呢set會有少少到喉唔到肺，下次可能都會叫返中間嗰個set🧐
👉服務：有專人燒烤同埋講解，服務唔錯。
👉環境：有分bar枱同table，感覺上花台好似有feel啲，不過table就方便傾偈。
推薦指數: 7.5/10
-
🎀其他小資訊🎀
👉訂位：online booking
👉信用卡優惠：🈚️
Post
