越南表嫂

見啲評語(未入舖前)都好好. Bookmark咗好耐, 終於過嚟試.

我嘅習慣, 初次試一定係生牛肉粉. 可轉金邊粉加一分.

生牛肉粉

$58

首先, 呀姐擺碗粉上枱時見佢帶住花卉手套🧤嘅手指公👍🏻成隻隊咗入碗粉度, 內心真係🤬

味道: 湯底偏咸, 有少少牛骨味但缺乏鮮甜.
碗粉上枱牛肉已偏熟, 牛肉有啲靭, 而且完全冇牛味. 唔會有芽菜分開上, 減分.

環境: 有啲污糟, 地下滑潺潺的. 加上好幾隻烏蠅不停嬲嚟嬲去, 一路坐得好唔舒服.

整體上, 普普通通, 不過不失, 但唔會再去咁囉.
又或者係, 期望越高, 失望越大.
感覺佢入咗舖好似冇咗heart, 可惜.