標記樂園潮州粉麵 (Closed)

前兩日約左朋友夜晚7點幾去睇戲，心想睇戲前食碗麵填下肚。記得以前曾黎過呢間標記樂園食十蚊碗麵，終是我同朋友一人嗌左碗粉同一碟油菜。但有一個阿姐落單寫錯晒野，而且態度勁差︰1) 我地因為咳而嗌熱菜蜜，個阿姐應完之後俾左兩杯凍菜蜜。我地話要熱唔要凍，佢而家先至話只有凍飲冇熱飲賣。(下，竟然冇熱飲賣？算喇，咁但係冇理由我地落單要熱飲時話唔講只有凍飲。)2) 我嗌左碗香菇豬肉丸米($10)加炸魚皮($3)，點知黎左碗雙併米香菇豬肉丸加魚皮餃米($15)。同個阿姐講我唔係要魚皮餃係炸魚皮，個阿姐仲要發惡話我講唔清楚。幸好我朋友嗌的雙丸河加紫菜同油菜走油就冇事。原來唔止我遇到咁慘既遭遇，隔離有人嗌左雲吞麵就寫錯左做唔記得乜；同枱的男人話要牛腩，佢就猛話牛丸。唉！講真對十蚊碗麵既味道冇乜要求，佢地o的麵既味道都尚可以入口，但個阿姐好似冇聽野，不停落錯單，仲要話個客講錯，以後我都唔再幫襯。