餐廳嘅裝潢以簡單中式酒樓風格為主，燈光柔和。枱與枱好近，座位比較逼夾，但氣氛係正，係溫馨既。好多家庭、一班朋友專登訂位過嚟食飯，感覺上好似返咗屋企食飯咁。
我哋點咗幾道招牌菜。
首先係黑松露玻璃燒鵝，燒鵝肉質鮮嫩，黑松露味濃郁，搭配得恰到好處。 最難影得吸引既招牌菜！一啲都唔係外貌協會
跟住出場嘅係伊比利亞叉燒王同埋有米佬豬手。
叉燒半肥瘦適中，豬手炸到脆卜卜，米炸成脆米粒，再加上少少辣椒，好惹味，好岩送酒。
唔夠喉，叫左神燈小炒王，蜜汁脆燒鱔同埋豉椒炒蟶子王。小炒王有啲失色，鹹了點，太乾身。
燒鱔食落又甜又脆，厚到成舊壽司咁🤤太正喇。
最後叫咗佢哋嘅小壽包，令整個生日晚餐畫上完美句號。
服務員態度親切，好樂意幫忙影相。
對每道菜嘅介紹都好詳細，而且對於客人嘅需求都非常留意。
餐廳嘅價錢算係中上，但以食物質素同整體體驗嚟講，絕對物有所值。
