中秋嗰日同朋友嚟食下午茶，先叫鹹點，諗住食完先叫甜品。知道限時90分鐘。
食咗剛剛好一個鐘，我哋就舉手叫梳乎厘pancake，有位女侍應走過來，話梳乎厘pancake需時30分鐘製作，由於我哋唔夠時間食，所以唔會幫我哋落order（入座時無向我地提及）。咁唔緊要，我哋另外叫咗兩個甜品，15分鐘後上咗枱，即係我哋有15分鐘食。
食到夠鐘時，同一個女侍應行過嚟，提我哋已經夠鐘，咁我哋望一望門外，見到有一行四人（一張枱）等緊，都諗住食埋淨番嗰幾啖同半杯咖啡就走。之後個女侍應每分鐘都走埋嚟同我哋講一次我哋已經夠鐘架喇，然後就行遠幾步，不斷離遠望我哋，前後有成四五次之多，但實際上只係五分鐘左右既時間。
明白有限時，但係咪真係唔flexible到明知我地差唔多食完，連嗰五分鐘你都等唔到呢？而且呢個女侍應個口面隔住口罩都睇得出好差，啲嘢幾好食我都唔會再回頭，寧願去遠啲，幫襯呢間餐廳班底出身既Heysonut好過。
