入到去店內有別於平時去開嘅泰國菜餐廳 裝修簡約 有一排排嘅木船作點綴 店內冇好大陣油煙味 抽風系統做得唔錯
1
款式方面 海鮮類同埋串燒肉類嘅選擇都算多
另外都有其他泰式嘅主食例如炒金邊粉炒通菜泰式生菜包等等可以選擇
今次我哋幾個唔算話太肚餓所以主要都係叫海鮮類黎食 我哋分別叫左
古法燒鯽魚 $108
呢款泰式燒鯽魚有驚喜
香茅 檸檬葉 薑等泰式香料塞入魚肚內再用大量海鹽蓋面去煮 一打開魚皮已經有好香嘅香茅檸檬葉味 魚肉肉質鮮嫩多汁 而且食落有少少嘅青檸味道 酸酸甜甜 同我喺泰國食嘅味道一樣 好正宗
蒜蓉燒扇貝 2隻 $48
一上菜已經聞到好香嘅蒜蓉味 時間掌握得唔錯 燒得啱啱好唔會太熟太乾身 食落鮮甜厚身 蒜蓉分量好足
蒜蓉燒生蠔$28@
生蠔肥美飽滿 鮮甜冇沙 再加埋蒜蓉一齊食 非常惹味
蒜蓉燒蘇格蘭蟶子 $38@
蘇格蘭蟶子肥美 食落冇沙又鮮甜 外面加左孜然粉 蒜蓉 蔥等等 鮮味再提升 另外店員推介泰式辣汁點海鮮 酸酸甜甜有少少辣辣地 有泰式風味
燒日式一口和牛 $48
呢款日式一口和牛燒得唔錯 燒到五成熟左右 食落唔韌 而且油香十足 好香牛味 在點埋店員介紹嘅酸子汁 有驚喜！
厚切鹽燒牛舌 $20
呢款牛舌性價比好高 牛舌厚度十足 口感一流 唔會好硬同乾身
整體嚟講 價錢親民而且環境舒適 會再來過
