大榮華圍村菜 (Closed)

今日約左男友同阿媽飲茶，因為男友未試過榮華衣間飲茶，所以帶左佢黎試下。我記得間酒樓好似要十一點先開，所以約左佢地十一點半酒樓等。一去到就已經有位，唔駛等位。我叫左必食既腐竹白果豬肚湯😍，鵪鶉蛋燒賣，叉燒腸，同陳皮牛肉煲仔蒸飯。先黎個腐竹豬肚湯，今次好足料，勁多豬肚，啲豬肚大大件又夠林，又有白果同腐竹，飲落個湯有少少胡椒味好正。衣個湯好多時未到下午茶已經賣晒，所以有買襯手，手快有手慢無。再黎碟叉燒腸，今日個廚師好孤寒，勁少叉燒，條腸粉咬落都幾軟綿綿，口感尚可。再黎個鵪鶉蛋燒賣，衣款點心唔係間間酒樓有得食，面頭塊皮煙煙un un ，點埋啲蒸出黎既肉汁食，都唔錯，隻鵪鶉蛋都幾大粒，下面舊肉應該係手剁豬肉，所以食到粒粒肉粒，肥豬肉都唔算多。最後係個陳皮牛肉煲仔飯，講真我今次食唔出陳皮味，都幾失望，個飯勝在啲米，食落去粒粒米都分明，唔太軟又唔太硬，水既比例控制得幾好，唔知係咪用油占米呢，食落好有口感又有米香，都係啲飯最好食。