出街食潮州嘢係非常之普通嘅一件事
今日黎到呢間食晒字嘅心夜來潮
就叫佢幾味招牌潮洲菜黎試一試
黎到嘅時候都係六點半左右
未算係好多客人
胡椒豬肚湯係平時喺屋企都會食到嘅湯
屋企煮嘅時候會落咸菜
佢就用左白蘿蔔
感覺冇咁熱氣同埋更加入味
胡椒味亦都好夠
食返幾味鹵味就梗架啦
因為只係兩個人黎食
只係叫左個雙拼-豬耳同豆腐
份量都唔錯呀
見到menu幅相就忍唔住要叫嘅炒飯
黑松露味好夠
但係咸蛋黃略嫌少左少少
（但咸蛋白係多嘅）
最後係熱氣之最嘅蠔餅！
食蠔餅最驚成舊粉食落口
佢就唔會喇
啖啖都有蠔咁制
十分足料嘅一味餸！
