牛大人台灣火鍋吃到飽 (荷李活商業中心)

Open Now

Now Closed

入座首先叫湯底先，魚白湯三文魚豆腐鍋仍然深得我心，豆腐夠滑，配埋三文魚夠健康。「黑毛和牛A4+吃到飽」套餐包咗每人兩粒牛丸以及一盤海鮮拼盤，牛丸嘅牛味好重😋，海鮮拼盤上面有蟶子、鮑魚、帶子、蠔。等緊水滾嘅時間就食小菜先，今次叫咗BB辣雞軟骨，少少辣，雞軟骨size大小適中，幾有咬口，另外酸辣土豆都好開胃。我地仲叫咗炭燒鹽蔥鮑魚，雖然係炸鮑魚嚟嘅，但保留到鮑魚軟腍腍嘅口感🤪。到主角啦，和牛嘅油花好靚，最開心嘅係可以喺出邊攞隻蛋，撈埋生蛋一齊食超級滋味！另外花雕雞件、封門柳、牛板腱都唔錯。唔同味道嘅海鮮漿eg 旗魚漿、章魚漿、墨魚漿都好有特色。飲品我叫咗珍珠奶茶🧋，雪糕除咗有我鍾情嘅Movepick，而家仲有Kitkat脆皮雪糕。