即炸響鈴、稻庭烏冬
安格斯牛肉、時令雜菜籃
坐低唔洗傷腦筋諗食咩
已經超級豐富
樣樣都新鮮又啱食！
即炸響鈴超級脆口
大力夾就會碎嘅程度
沾少少酸甜醬
已經可以即食😝
食海鮮就緊係揀個清啲嘅湯
呢個芫茜皮蛋好多料又好清甜
記得食之前飲返碗湯先😬
重頭戲海鮮拼盤！
新鮮龍蝦，大連鮑魚，蟶子皇
海中蝦，花甲王
冇花冇假，樣樣新鮮又厚肉
再追加咗鵝腸同黑栢葉
食材處理得乾乾淨淨
口感爽脆～唔洗淥太耐
係我鍾意嘅火鍋配料😆🫶🏻
海鮮餐有嘅安格斯牛肉
亦相當有質素
呢個湯底食到下半場
都可以保持清甜
唔會太油膩！
同朋友一齊大讚龍蝦嘅
性價比最高！新鮮之餘啖啖肉！
記得食埋個頭，有肉又有膏
去到最後淥菜同烏冬
真係食過返尋味～
如果想有私人空間感
都有唔同VIP房可以預訂
可以同餐廳查詢返最低消費～
OpenRice訂枱火鍋料有九折優惠
趁天氣轉涼快啲約朋友淥吓淥吓🤪
