蟹仙海鮮蒸碢大公館

今晚好想食蒸海鮮，即刻約好友去蟹仙銅鑼灣店食個滿足先。今晚揀左尊貴海鮮套餐$439/位，包來自世界各地的9款海鮮，蔬菜藍，海鮮粥底和甜品，好期待！深海東星斑半條~ 肉質潔白細嫩，厚實彈牙，配上薑絲和葱已經十分鮮甜。越南大虎蝦~肉質爽脆飽滿，蝦味濃郁。台灣九孔鮑魚~ 爽甜彈牙 ，口感軟嫩，好好味。韓國慶南珍珠蠔~ 蠔身較細，但飽滿滑嫩，甘甜。紐西蘭刀貝蜆~肉厚，好爽好甜。大西洋野生青口~十分肥美嫩滑，海水味十分濃郁，非一般冷藏青口可比美。月亮貝~口感較爽實，鮮甜。澳洲青年龍蝦~蝦頭十分多蝦膏，又滑又甘甜，肉好白，啖啖肉，口感爽彈，肉質細嫩，味道十分鮮甜。罕有大黄奄蟹~最美味的通常留到最後，最喜歡滿到瀉的蟹膏，甘甜軟滑，肉質細嫩鮮甜，蟹肉十分香甜，好美味呀！有機蔬菜籃~有生菜，娃娃菜和粟米，可能因為是有機菜，所以特別覺得清甜健康。海鮮汁粥底~ 粥底充滿海鮮的精華鮮甜，再加上粟米，排骨和芋頭粒，又暖胃又飽肚。甜品~ 椰汁燉越南雪燕~清甜的椰香配上雪燕的口感，真是大滿足。