先介紹一嚟到就馬上先點2杯特飲，椰子沙冰+芒果沙冰，最近咁熱最好飲果汁沙冰消消暑
生蝦刺身基本上去泰國餐廳都會叫，呢到份量都多，而且夠哂厚肉又鮮甜彈牙，搭埋蒜片+辣椒+泰式酸辣汁，非常美味
黃咖喱軟殼蟹真係必點推介，軟殼蟹炸到金黃酥脆，而黃咖喱汁椰香微甜帶蟹膏鮮味，呢個一定要點嚟食
燒豬頸肉配青木瓜沙律，豬頸肉炭香焦脆，青木瓜絲酸甜爽脆，夏天食夠哂開胃
泰式牛肉船麵朋友大讚，個牛骨湯底濃郁，而金邊粉吸哂啲湯汁，入面有牛筋、牛丸、牛柏葉覺材料，相當豐富
海鮮冬蔭功湯，個湯底都幾酸濃郁，帶有少少泰國多款香料味道，仲有多款海鮮，大大隻虎蝦，仲有青口魷魚，好好飲
最後個芒果糯米飯，芒果都夠熟甜多汁，啲飯夠軟糯，配埋椰漿夠滿足
2
