Mixian Fav

今晚收工嚟到老公公司附近同佢一齊食晚餐，佢話呢間米線大份又抵食！

1

今日凍凍地，我哋嗌咗一人鍋食，

揀咗做薯粉同埋匙柄牛肉。佢包咗一個菜鍋入面有啲蘿蔔、白菜、魚皮餃、同埋丸仔。湯底揀咗蕃茄嘅，煮吓煮吓啲蘿蔔吸晒味好好味！薯粉唔好煮咁耐一陣就好啦。匙柄呢款牛肉偏瘦所以佢食落去如果煮太耐真係有啲硬，自己要睇返時間有超級抵㗎，勁大份🐮

另外仲有咗一份酸辣湯雞肉薯粉！

🐣呢碗嘢真係唔講笑，大份到嚇親，下次再嚟食一定要扣抵或者直接share。但係佢個湯底有幾好味，起碼食完唔會口渴，雞肉好大舊，而且有少少調架👍

小食叫咗墨魚棗，都幾好食，好似魚蛋咁好彈呀！