Read full review
2018-11-30
649 views
同朋友行完山，打算搵間望到海嘅餐廳坐低食野傾計，所以沿著海旁行，見到呢間餐廳main cource 有買一送一！實在太吸引！係赤柱應該好難有餐廳咁抵食，九秒九決定一試。估唔到食物高質、餐廳裝修靚，二樓仲有得睇景，食得好開心！Pork Ribs $248豬肋骨有6條，份量足夠。煮得好入味，juicy得嚟有口感，唔會乾乾柴柴甩曬骨咁，醬汁甜甜地，好好味。伴碟有酸酸甜甜青蘋果，好fresh，可以解膩，雖然我覺得味道唔係真係咁夾。另外焗薯仔都唔錯，熱辣辣，焗得透，但係冇外脆內軟，味道都比較淡。但整體都唔錯。U.S Sirloin Steak $285牛扒要左5成熟，真係做到五成啱啱好，肉質幾嫩有牛肉味，上面白色嘅香草cream cheese 略帶芝士味又creamy，令牛扒味道更加豐富，食落更加香濃。但略嫌份量比較少d。不得不讚伴碟嘅沙律係完整一大碗，味道清爽，蔬菜種類豐富，好有誠意。粗薯條都炸得香脆，外脆內軟，點cream cheese 食都幾香～份量都唔少～覺得呢個幾好味抵食！雞翼薯條拼盤 配 啤酒Corona 2枝雞翼6隻，真係炸得好香脆，仲要入面好juicy啊！薯條同牛扒嘅薯條一樣，
Pork Ribs $248
豬肋骨有6條，份量足夠。煮得好入味，juicy得嚟有口感，唔會乾乾柴柴甩曬骨咁，醬汁甜甜地，好好味。
伴碟有酸酸甜甜青蘋果，好fresh，可以解膩，雖然我覺得味道唔係真係咁夾。另外焗薯仔都唔錯，熱辣辣，焗得透，但係冇外脆內軟，味道都比較淡。但整體都唔錯。
U.S Sirloin Steak $285
牛扒要左5成熟，真係做到五成啱啱好，肉質幾嫩有牛肉味，上面白色嘅香草cream cheese 略帶芝士味又creamy，令牛扒味道更加豐富，食落更加香濃。但略嫌份量比較少d。
不得不讚伴碟嘅沙律係完整一大碗，味道清爽，蔬菜種類豐富，好有誠意。
粗薯條都炸得香脆，外脆內軟，點cream cheese 食都幾香～份量都唔少～
覺得呢個幾好味抵食！
雞翼薯條拼盤 配 啤酒Corona 2枝
雞翼6隻，真係炸得好香脆，仲要入面好juicy啊！薯條同牛扒嘅薯條一樣，都係粗薯條，外脆內軟～中間嘅芝士醬好味～但係太少啦。
仲要跟2枝啤酒，每支都跟1/4舊青檸塞係樽口，一齊飲好fresh～
餐廳環境幾靚幾有格調，2樓成排位靠窗望海，好好feel～仲要店員好細心周到又有禮貌。買一送一係同一個類別入面揀2樣，然後計貴d 嗰樣，真係好抵好抵！！下次嚟試下pasta 同海鮮。
Post
