STARS DIM SUM SPECIALISTS

九龍城主要有三間飲茶小店，是日蜜桃小丸子嚟到最近新開嘅一間，因為唔係午飯時間，一嚟到就有位。舖頭新裝修但枱面偏細，兩人枱真係肥少少都坐唔落，嗌咗五個點心基本上張枱係完全放唔到，仲要啲呀姐係你隔離行嚟行去好近好近，除非你係坐梳化位，如果唔係真係唔會可以安安落落歎個茶。


講返啲點心先，佢就話係即叫即整，但個焗菠蘿包一嚟我就好懷疑係放左幾耐，因為唔熱囉！都唔係第一日食焗菠蘿包，但佢完全冇個種岩岩焗出嚟好鬆脆嘅感覺。唯一好嘅係佢個餡唔係流心，一咬落去成pat嘢流出嚟個隻，但當然有人係鍾意個種多啲啦，唔會太甜，但都冇驚喜。

焗奶黃波蘿包

招牌蝦餃細細隻，正正常常，但係九龍城食過更大更新鮮的，所以又係覺得冇咩特別。鮮竹卷一咬落去係腐皮多過餡，真係不予置評。

鴨腳扎就係鴨腳扎，冇異味，唔會太咸，但除此以外就冇咩抵讚了。

最好味嘅係呢個腸粉入面包咗春卷，口感較豐富，個腸粉都叫薄皮，啲餡都係新鮮同脆嘅，成個九龍城得呢間有得食，但其他點心就真係普通，價錢亦比其餘兩間貴，性價比唔算高，試過就算了。