壹小籠

Open Now

Now Closed

好耐冇嚟飲茶啦，今日突然之間想去飲茶，所以就諗起壹小籠呢一間茶樓。咁就同屋企人去食一食啦。因為之前食過嘅評價都唔錯，所以今日都係抱住覺得呢一間餐廳係有質素嘅心情去用餐，但係點知，質素已經下降咗啦，而且價錢都已經貴咗。講返食物先，食咗個鳳爪排骨飯，份量係夠嘅，但係啲飯就好腍，可能落多咗水。牛肉腸，正常發揮，但係腸粉皮，就比以前厚身咗好多，即係入邊嘅牛肉份量就少咗啦。最後就菜苗餃，呢個比較有驚喜，因為以前食菜苗餃層皮係黏口，今日係好食咗。