最近西餐日本嘢食得多，
突然想轉吓口味食中餐，
朋友推介中環呢間話菜品有特色。
見室內裝潢和餐具都係水墨系風格，
感覺優雅閑適。
1
豬肺清洗程序好花功夫，
好少食肆有豬肺湯供應，
見到梗係要叫個潤吓肺啦。
杏汁白肺湯材料好豐富，
除咗杏仁、豬肺，仲有雞腳、豬粉腸，
湯水充滿杏香和骨膠原，
潤肺養顏真不錯。
1
窩貼金蠔 ：
墨魚滑同流浮山金蠔一齊煎，
味道鮮香又彈牙，
夾埋沾滿金沙嘅鍋巴，
咸蛋黃香味四溢，
口感豐富 ~
1
虎蝦煎腸粉上菜時香氣誘人，
據說係由店家秘製豉油皇煎煮，
灑上蔥花又香又惹味。
虎蝦大大隻蝦頭展開，
食用非常方便，蝦肉爽彈，
腸粉索埋醬汁食到舔舔脷。
1
流浮山三寶蒸海斑球
流浮山三寶原來係蝦乾、魷魚、銀魚仔。
三寶放响斑球上面蒸，
精華味道滲入斑肉內，
味道清新又夾帶鮮甜，
好有心思嘅菜式。
1
麻辣鮑魚掌翼煲拌有大量香菜，
味道又香又辣非常惹味，
鮑魚身切花口感腍中帶爽
1
掌翼腍中帶點嚼勁
1
龍哥招牌炒飯飯粒分明，
材料豐富：蝦仁粒、沙葛粒、
冬菇粒、叉燒粒、海參粒、松子仁、蔥粒。
口感同味道多彩，好味。
1
伯爵奶茶凍睇落清簡，
口感細滑又唔算好軟，
淡淡嘅伯爵茶加奶香，
係一款唔錯嘅飯後甜品。
冰凝小企鵝造型好可愛，
1
其實佢係陳皮紅豆沙包，
店家話係用真正嘅陳皮，
唔怪之得食落咁香啦，
全程係無冰嘅
2
4
