港口味冰室 (Closed)

去咗長沙灣食街坊小菜🥳依間冰室夜晚有好多小菜揀，價錢經濟實惠，佢嘅「清湯牛腩飯」仲好出名～見到內部裝修牆壁上都有「清湯腩飯」嘅霓虹燈，就知道是這裏的人氣菜式🥳▪️ 清湯牛腩飯 $68清湯牛腩同白飯分開上，湯底鮮甜不膩🥳 半肥瘦牛腩咬落去肉質夠鮮又夠軟腍，清清地可以食到牛腩嘅原汁原味，我覺得D蘿蔔好正好清甜👍🏼▪️鹹蛋黃一字骨 $78下晝五點後有好多小菜選擇，+$ 6就可以跟埋白飯&熱飲/湯，除咗餐牌之外，黑板上面仲有好多晚餐小菜揀，啱晒街坊嚟開飯。依碟鹹蛋黃一字骨，份量都幾多，即叫即炸入口熱烘烘，有埋鹹蛋黃沙沙嘅口感🥳炸過後排骨比較乾身～但夠惹味👍🏼 ▪️飲品：茶走紅豆冰/忌廉咖啡 $25（跟餐+＄9）茶走紅豆冰入面紅豆茸好香甜又起沙👍🏼而忌廉咖啡入口香滑，充滿濃郁咖啡香。