至尊雲吞麵雞煲 (Moved) New Location

平時返工放飯經常都黎呢度食午餐，原因平靚正，42蚊午餐連飲品，食物質素又唔差，件頭又夠，款式又多，晚市主力做雞煲火鍋，午餐都有個雞煲飯46蚊可以先試下佢d雞得唔得，答案係得，惹味得黎d雞都好夠滑，決定都係晚市試下佢d雞煲。星期日晚上黎已經坐到出門口，生意都好好，原因都係抵食，假日$178任食任飲，仲免加1，啤酒另計，晚上可以d雞大量製作關係肉質反而無午餐食咁滑，不過都好惹味，食完雞煲再轉火鍋，抵食夾大件難怪咁好生意。