今日搞乜「鬼」走去食「滷」水鵝，店名叫「鬼滷」唔通係鬼佬滷水？去到其實又唔係咁西化，輕鬆氣氛小館子，播放着流行音樂，裝潢時尚。
想不到，追上潮流中保持潮州菜食品之原味，依然吃到傳統味道，但優化了賣相及包裝，看來時尚，符合年青人要求，尤其是有個中餐胃但思想西化的人仕。
一頁紙餐牌，一面是菜式，一面是飲品，有酒精飲品，亦有雞尾酒，選擇貴精不貴多。潮州菜式如是，全是常見的潮州名菜。
1
有趣地，先送上爆谷，蜜糖味濃又脆口，點杯啤酒超合拍，可惜今晚我哋有咳不能飲。
蘭王蛋蠔餅 $78
見到「蘭王蛋」三個字隨即眼前一亮，係咪真係會好食啲呢？
蠔餅本身做得唔錯，賣相靚仔，如台灣蚵仔煎小吃，用食物紙載著，配合甜辣醬及魚露。
脆餅香口，內裡煙韌，蠔仔肥嘟嘟口感如半熟狀態，特別加上木魚碎添鹹香，蛋亦香但並非期望中特出。
煎蠔餅難免要油多，油紙上吸了不少油，亦是聰明的做法，整體味道及口感皆非常好，少有令我吃得非常滿意的蠔餅，讚！
主菜：滷水鵝肉、鵝腸、豬仔髀 $208
正宗潮州滷水汁的味道，而且是細膩而非死鹹粗豪的路線，所以滷水鵝肉滋味而不過鹹，越食越滋味！醬汁不馬夫，配合白醋汁及辣椒醬。
鵝肉連皮有些脂肪，完美的組合，最主要是滷水汁味道好；伴以豆腐，吸收了滷水湯汁，非常幼滑味香；鵝腸爽口，豬仔髀肉質鬆軟，整體水準之上。
椒鹽普寧豆腐 $68
普寧炸豆腐是潮汕特色菜之，配以一大碗韭菜鹽水。
炸得外脆內嫩，特色在加上椒鹽炸，香氣昇華，我的喜歡在九彩鹽水浸一浸，刻意夾多些韭菜同吃，添加層次，好吃！
蠔仔粥(二人) $108
擺放有誠意，配料有三款包括蔥粒、榨菜及芫荽，粥面有些乾菜。
蠔仔脹卜卜肥嘟嘟，入口幼滑非常，粥水的質地，味道唔錯，因為材料多，口感層次豐富。
小店子有其特色，在時尚氣氛下品嚐傳統潮州菜，我喜歡這個組合，值得回頭。
