諗住咁耐都唔食一次 所以一於食得放啲 散叫貴野唔叫SET
一共食左十樣野
三文魚醬油潰壽司:呢個係時令優惠 9蚊有兩件 原本唔拍算叫但見佢唔貴又有2件所以忍唔住食左 睇落色水幾好但食落味道一般 冇三文魚味亦冇醬油味
火灸三文魚腩壽司: 色水已經引死人啦 焦焦地但又透出粉釭色 上邊有少少蔥花 用白裡透紅黎形容最洽當
食落果然冇令我失望 外脆內軟既口感加上充滿油香既三文魚鲜味!!!! WHAT CAN YOU ASK FOR MORE
蟹棒壽司:之前見食評有人話呢個係必食 所以試吓 又真係唔錯喎
唔係超市買左個啲蟹柳 而係自家出品 好重蟹味 重啲沙拉醬幾MATCH的
火灸空運池魚壽司:係未真係空運我就唔知喇 不過味道肯定及唔上岩先既火灸三文魚腩壽司 真係食唔出佢有咩味 只係食到燒野既焦炭味
可能我唔識食池魚啦 OR可能池魚跟本就冇味.....
鰤魚刺身: 同樣係時令既推介 有得選擇貴啲既腩位or普通刺身 我食左普通版 一客有5片 上台時夠凍的 亦都幾厚身的
我一向唔識食刺身 所以不多作評價 只可以話佢有自己一套既'魚味'啦~
親子卷: 好好食 食親壽司都會叫 一次過結合哂我鍾意既魚子+三文魚片 啲魚子夠濃郁又夠大大粒 三文魚好大片 一口咬落去有'爆汁'呢口感 好滿足XD 一次黎到都一定再食 呢個強烈推介!!!
鰻魚生春卷:見佢一客有三件 好似好扺食 其實冇咩特別 勝在咩都有啲囉 都幾多料既~米紙包住鰻魚粒,蛋絲,青瓜絲,番茄粒,生菜絲 樣樣少少咁啦 旁邊有一PAT千島醬 想食吓壽司之外的話可以食下既 不過不失~
三文魚子軍艦:落單個時唔記得已經有親子卷 其實都係親子卷上邊個啲三文魚子啫 同樣味
燒玉子:大讚之作 燒得洽到好處 有唔同形狀可以選擇熱食與冷食 我鍾意熱辣辣夠新鮮 上台果然冇令我失望 係熱烘烘的!!! 少少焦令啲蛋更加香口又唔會太過甜 本人由細到大都鍾意食蛋壽司 所以今次真係大快朵頤
特上海鰻壽司:嘩!!!!呢個又係本人熱烈推薦呀!!!!!真係同張相一樣 勁勁勁大條囉 足足有成廿幾cm長囉! 岩哂我呢啲想食鰻魚壽司又唔想食舊飯既人呀
(我知呢個係大部份香港人既心聲~哈哈) 32蚊我覺得值得食因為燒得好食又夠燒汁唔會太dry~
總而言之MENU之邊有既都幾好食 可惜啲時令好似火灸池魚真係一般 唔特別 所以下次再黎食 叫普通MENU野都好好食lu~
