喫茶ちょうぼ

Open Now

Now Closed

這間昭和風餐廳想試很久，知道他們在尖沙咀開了分店，當然要去試試！餐廳的裝修好有日式昭和風的感覺，而食物的擺盆亦好吸引，非常適合打卡！日式紅酒燉牛肉蛋包飯，蛋包飯一上枱，店員就會為你切開，切開後就會見到滑溜的炒蛋！飯係有味飯，拌入洋蔥一齊燴過！而燉牛肉口感軟腍，醬汁酸酸甜甜，特別開胃！廣島蠔意粉，意粉的賣相都好吸引，上面有4隻大大隻的廣島蠔，蠔肉半生熟，非常鮮甜！意粉既醬汁係白汁拌入蘑菇同蟹籽，口感creamy，十分美味！南蠻炸雞，估唔到這裡的炸雞咁正！炸雞外層脆身，內裡雞肉嫩滑juicy，加上沙律醬，除左能減去油膩感，亦為炸雞帶來另一種風味!極·日式布甸船，布甸船令人非常驚喜！布甸是震騰騰的日式懷舊布甸，布甸口感非常幼滑，而上面的焦糖醬又不會好甜，好正，還拌有新鮮水果！而這個甜品亦有Lotus芝士蛋糕，面層和中間都有大量餅碎，蛋糕不會好溜，而且不會好甜，令人不禁一口一口吃下去！焙茶麻糬沙冰，沙冰有濃濃的焙茶甘澀味，入面亦有麻糬粒，味道不甜，不錯！青蘋果梳打，梳打入面有蘋果肉，味道酸酸地，微甜，幾解渴！