呢間舖頭主要飯團🍙同台式手搖飲品🧋。
品牌主題圍繞着母親的愛，由室內設計到外賣袋都以溫暖嘅粉紅色花花🌸為主調，各項細節充滿心機，突顯台灣原住民文化色彩嘅風格。
今次試咗兩款飯團，整體感覺就好似係粢飯嘅摩登版。啲飯係特登從泰國運來嘅紫米，煙煙韌韌，柔軟甘香。有別於日式飯團，呢度嘅飯團係暖笠笠，燙手㗎。⛄️係寒冷嘅天氣下，咬一啖暖笠笠飯團，果種滿足感覺正到呢～🥰
🔸大阪海草飯團
好足料！成個飯團充滿咗中華沙律、自家特製沙律醬，再加埋好似係油炸鬼嘅脆片混合埋椰菜絲，成個感覺好refreshing, 又好豐富🈵️
🔸新宿燒汁牛扒飯團🐮
🥩牛扒煎到恰到好處，保留牛肉汁之餘，又沾滿濃厚嘅黑椒汁，啱晒鍾意食肉嘅人士。
🧋黑糖珍珠鮮奶
👍🏻非常讚呢度嘅黑糖珍珠鮮奶👍🏻因為佢嘅黑糖珍珠軟糯之餘，唔黏牙，又容易咬，唔會咬到牙㬵都酸埋。
🥤手作紅豆奶茶
紅豆奶茶叫咗少甜少冰，所以甜到啱啱好，唔會太甜。紅豆起沙，混合埋奶茶到，啱啱好，又唔會搶咗啲奶茶味。
♻環保♻️
特別欣賞呢間舖頭嘅環保意識。手搖茶店免不了要用飲管。呢間舖頭嘅飲管係用咗環保材料，可以喺短時間之內分解，減低對環境嘅影響，亦減低用飲管人士嘅內疚感。
⏳時間⏳
🍙係即叫即整，所以食暖笠笠飯團係有代價嘅😅唔想等？可以喺佢哋OpenRice嘅page度，預先落單，慳返啲等候時間。💯
