靠牆梳化位有可愛嘅Sheep and Pig圖案，有一家人黎食飯都喺呢度影相留念，睇黎小朋友好受落呢！
剛踏入夏季已經非常潮濕炎熱，先點左一杯巨峰乳酸梳打同白桃乳酸梳打，唔會太甜又消暑解渴。
▫️脆炸啤酒漿炸魚柳薯條
同一般Fish & Chips唔同，炸魚嘅粉漿加入左啤酒，經過油炸後會滲出淡淡啤酒苦澀味，比較特別。內裡魚柳依然嫩滑，唔錯。
▫️冷烏冬配雜錦天婦羅
天婦羅有兩隻蝦🍤、一件冬菇及一件紫薯。我同朋友都好欣賞紫薯天婦羅，帶有天然甜味，口感亦適合作炸物。
餐廳員工亦非常有禮親切，星期日下午唔會話食完就趕住收嘢，令客人可以非常舒適地用餐。下次會再黎試試dinner!
