燉 (協成行灣仔中心) (Closed)

朋友介紹這家燉湯店，星期日未到7點已經坐滿人；全店自助形式，要先到收銀排隊點餐付款，然後等叫號碼取餐。我原本想食蒸飯，但已經賣曬，七點已經話賣曬，有冇搞錯！ 蜜瓜螺頭燉瘦肉  58元 一盅，好足料，熱騰騰，香噴噴，清甜滋潤降火，讓人念念不忘，好野！藍象黃咖喱牛筋腩客飯 45元，不太辣但好惹味，牛腩和牛筋分量都唔少 ，夠腍又入味，餸飯一流。清蒸沙巴龍躉79元，即叫即蒸，等了15分鐘才有，火候剛剛好，用傳統鉄碟上，好有住家飯的感覺。以後唔想煮飯就在這家點開餐，因爲食完返到屋企都不會口渴，證明沒有用味精，這點最令我食得安心又放心。門口有個冰櫃，上面寫著有供應 洛神清心花茶，夏枯草羅漢果茶，杞子菊花蜜，清熱去濕茶，一律20元，豆漿 8 元；但都只剩番幾支豆漿 同去濕茶。一頓晚飯，有燉湯，有魚 又有肉都每人不用100元，非常合理。