Read full review
2010-07-02
118 views
上星期六晚師傅一條冷十一點幾都未食飯, 鬼死咁肚餓, 於是又返番去自己地頭搵下野食, 可惜又冇咩心水, 眼見呢間食店最近新開張, 雖然明知唔抵食, 但偏偏又貢左入去, 師傅呢種明知山有虎, 偏向虎山行嘅精神有時都可謂疚由自取!鬼死咁肚餓, 所以一坐底諗都唔使諗即刻柯打左一碗雲吞麵, 等左幾分鐘先有得食; 一放低師傅就真係眼都凸晒, 雲吞麵真的非常細碗, 個碗差不多係平時酒樓嘅湯碗, 內裡放左四粒雲吞同埋麵, 師傅先試湯底, 湯底幾清冇味精, 而且有少少蝦籽嘅香味, 感覺不錯; 再試下個麵, 麵係全蛋麵, 麵身爽口彈牙, 煙煙韌韌加上冇鹼水, 真係一流; 而雲吞有四小粒, 雲吞皮夠薄, 而餡料就胡椒味好重, 感覺係d蝦唔夠新鮮, 加上餡料頗實唔爽口, 雲吞黎講唔算太出色!師傅應該大約用左三分鐘就食晒碗雲吞麵, 當然個感覺就係好似冇食到野咁啦, 內心掙扎左三十秒, 師傅決定再柯打一碗牛腩麵, 牛腩麵黎到時師傅將隻牛腩麵個碗同雲吞麵個碗比一比, 發覺牛腩麵係大碗少少, 不過咁都好正常, 皆因牛腩麵貴少少嘛; 牛腩係用柱侯汁煮, 柱侯味夠香夠濃, 加上炆得夠入味, 所以味道不錯, 可惜牛腩水準
鬼死咁肚餓, 所以一坐底諗都唔使諗即刻柯打左一碗雲吞麵, 等左幾分鐘先有得食; 一放低師傅就真係眼都凸晒, 雲吞麵真的非常細碗, 個碗差不多係平時酒樓嘅湯碗, 內裡放左四粒雲吞同埋麵, 師傅先試湯底, 湯底幾清冇味精, 而且有少少蝦籽嘅香味, 感覺不錯; 再試下個麵, 麵係全蛋麵, 麵身爽口彈牙, 煙煙韌韌加上冇鹼水, 真係一流; 而雲吞有四小粒, 雲吞皮夠薄, 而餡料就胡椒味好重, 感覺係d蝦唔夠新鮮, 加上餡料頗實唔爽口, 雲吞黎講唔算太出色!
師傅應該大約用左三分鐘就食晒碗雲吞麵, 當然個感覺就係好似冇食到野咁啦, 內心掙扎左三十秒, 師傅決定再柯打一碗牛腩麵, 牛腩麵黎到時師傅將隻牛腩麵個碗同雲吞麵個碗比一比, 發覺牛腩麵係大碗少少, 不過咁都好正常, 皆因牛腩麵貴少少嘛; 牛腩係用柱侯汁煮, 柱侯味夠香夠濃, 加上炆得夠入味, 所以味道不錯, 可惜牛腩水準甚為參切, 一舊腍另一舊韌, 算不上百份百好味; 至於麵身繼續爽口彈牙, 繼續煙煙韌韌冇鹼水, 呢個麵就真係一絕喇!
總括黎講食物水準普通, 環境地方清潔, 服務一般, 價錢絕對唔平, 廿八蚊碗雲吞麵, 三十蚊碗牛腩麵, 加上份量少, 所以絕不抵食; 師傅埋單接近六十蚊, 可惜起身後師傅仍然唔覺得飽, 相信就算食上四五碗亦非難事; 價錢就係貴, 但貴得黎唔值, 所以師傅肯定唔會再黎, 除非淨係想食佢個麵啦, 笑臉一定比唔到!
Post
