一休鐵板燒 (Closed)

旺角一休鐵板燒係一間即叫即整嘅鐵板燒外賣店。食物款式不算多，有六款小食同鐵板炒麵。仲有日式鰻魚炒飯。店舖面用上全玻璃，清晰地將鐵板燒嘅製作過程活現眼前。鐵板炒麵配搭有拉麵或烏冬，配料可選豬、牛、雞，最後再選擇醬汁。我選擇咗一休醬油牛柳拉麵，除咗有切成絲嘅牛柳，仲混入咗野菜一齊炒，拉麵亦都彈牙，口感非常豐富。照燒帆立貝一份有兩粒，大大隻帆立貝絕不欺場。以鐵板燒製過嘅帆立貝份外可口，配埋醬汁同黑椒，確實值得一試。