大人約左人我冇地方去,
佢就話落旺角,
兩條麻甩佬,約埋去旺角,
唔係去買羽毛球拍,咁去做乜鬼?
阿強話"我帶你去獵奇吖"
頂,原來去女人街食羊肉咋嘛,講到咁古怪,
哩度由羊肉到羊雜到羊睪丸羊鞭羊胎盤都有,
1
阿強拎起餐牌係咁叫,
涼拌羊雜.
其實唔算係好食得出係羊,食味ok,但切到碎濕濕咁.
羊肉米線
羊肉有羶味,ok!
羊肉餃子,好食既.
整張清d 既先.
羊眼湯
好似食緊魚眼窩周邊既肉同脂肪咁既感覺.
1
]似乎係羊睪丸 .
切左片既羊睪丸,口感有d 似豬腰切片.
羊鞭??
有d 似牛筋咁樣既軟組織
羊腦湯.
軟綿綿羊腦,一夾就爛,
口味就好似有羊羶味既豬腦咁.
今次獵奇係咪好奇呢,又唔算好奇,
反而羊肉同羊餃似乎整得最好,
其他都普通d,不過香港少有同類食品,
一試無妨.
入門口果時阿姐係咁叫我秀貞卡,
原來叫我掃針咭XDDD
幾時食飯先唔洗搞咁多野?
