MX (荃灣廣場) (Closed)

差不多5:45去到，諗住食個下午茶餐，點知見到個早鳥火鍋好似幾正，原來5點至6點，醉雞鍋或者肥牛鍋都係52蚊！因為午餐都未食，所以叫個雞鍋試下！再加15蚊要咗杯咸檸7同加多碟生菜～ 已經好多年無去過美心食火鍋喇！原來佢嘅份量都好多！本來叫咗醉雞鍋底，點知佢俾錯沙嗲，但見佢個樣都唔錯，即管試試！碟醉雞都有八大件！咁啱只係得一件係雞背，其他係雞腿同雞翼！正喎！仲有兩隻大蝦！好大隻！八片雞肉片！薄！滑！一舊魚片頭+一舊蟹棒+兩隻水餃+兩舊粟米+半個烏冬+兩片南瓜+兩塊油揚！真係好豐富！以為佢本身得好少菜，點知跟餐果碟咁多菜！大早唔駛加都夠食～ 真係兩個人都夠食～又抵食～仲有豐富嘅調味料吧～