本身諗住去麥當勞，但太多人。
睇吓附近有咩食嘅時候，呢度就吸引我注意。
見佢選擇都幾多，咁就入去試吓。
坐低睇完有咩食之後就落單，個侍應就叫我直接講。
事後先知原來落單係蠟筆劃落過膠嘅餐牌就得。
咁個侍應都幾方便我，哈哈。
早餐有煎雙蛋麵包、一碗麵 (我揀咗 油麵、豬頸肉、沙爹汁)、熱檸檬水。
煎雙蛋係太陽蛋，幾好食。
車仔麵呢，我鍾意食油麵。
呢度啲油麵都唔錯，唔會太腍，起碼用筷子夾得起先。
豬頸肉就普普通通啦，不過個沙爹汁幾惹味。
食完的確唔太口乾，應該就如店舖標榜嘅無味精。
早餐食車仔麵，都幾滿足。
