牛大人台灣火鍋吃到飽 (瓊華中心)

Open Now

Now Closed

好耐無食過牛大人，突然想去食就即刻搵friend去打邊爐！因為怕旺角店人流多要等位，所以好早就入去，仲有卡位可以坐！日本黑毛和牛A4+吃到飽 $488呢個餐之前未食過，所以今次揀左呢個，野食款式超級多，就系牛都有大約9款，另外套餐送每人2粒澳洲M5和牛牛丸同搵海鮮拼盤。湯底方面揀左2款，麻辣鍋同豆腐鍋，麻辣鍋吾系好辣，而且好香好岩煮牛食，豆腐鍋好養生，有三文魚粒、豆腐、杞子、蟲草花、薑同芫茜，煮海鮮就岩哂！主角日本黑毛和牛A4+登場！啲雪花好均勻，食落肉質好嫩，好重油脂，所以食幾塊都好快覺得飽。伊比利亞黑毛豬梅肉都推介，啲肉有少少厚度，好易咬，而且幾有肉味。另外仲叫左澳洲和牛M5牛肩卷，呢款都推介！比起日本黑毛和牛A4+少油脂感，但都幾有肉味，可以食多幾塊。牛肉滑幾重黑椒味。除左肉類，仲有好多小食，特別呢個套餐有多款鮑魚食法，鹽燒鮑魚、醉鮑魚都好食，仲有台式炸雞、台灣腸等等。