Read full review
2021-03-23
2690 views
鍾意食日本野既你有無食過好食既烏冬?我以前去過日本最出名食烏冬既四國，揀左間TABELOG最高分既，食完覺得非常震驚，原來烏冬可以咁好食，但會諗起香港無可能食到咁好食，不過呢排就有一間質數接近日本既烏冬，而且連我最鍾意既識食藝人加廚師梁祖堯都有幫襯過，食後係讚不絕口。店主因為好鍾意四國既讚歧烏冬，所以去當地拜師學藝，學整烏冬、熬湯底同炸天婦羅，烏冬都係每日新鮮手打自家製唔過夜，有自己既獨立工場，而且用上日本小麥粉，而店鋪名會叫「鰹烏冬」，因為佢地既烏冬主打用鰹魚湯熬製而成既湯底，咁認真製作可見佢地絕對係香港入面烏冬既定專家，觀塘總店亦有提供手打烏冬班可以比大家體驗一下。長沙灣分店外表用心設計，好似係四國見到個D隱世烏冬店，但同時都比較逼D，而觀塘總店就係觀塘最多野食既工廈駱駝漆大廈入面，設計就無長沙灣咁日式。長沙灣分店有自助區可以斟野飲，會有熱水、凍水同玄米茶提供，另外都有餐具自助式咁羅，同埋會有天婦羅碎同七味粉比大家調味。係觀塘會採取自助式落單，首先會有一個餐牌睇到各款烏冬既相，之後係點餐紙上面落單。鳥冬分為冷熱兩種，熱湯仲有分清湯、半湯、咖哩、鍋仔燒等，烏冬可以散嗌或者跟唔同小食變
鍾意食日本野既你有無食過好食既烏冬?我以前去過日本最出名食烏冬既四國，揀左間TABELOG最高分既，食完覺得非常震驚，原來烏冬可以咁好食，但會諗起香港無可能食到咁好食，不過呢排就有一間質數接近日本既烏冬，而且連我最鍾意既識食藝人加廚師梁祖堯都有幫襯過，食後係讚不絕口。
熱烏冬 鰹魚清湯烏冬
$71
31 views
1 likes
0 comments
店主因為好鍾意四國既讚歧烏冬，所以去當地拜師學藝，學整烏冬、熬湯底同炸天婦羅，烏冬都係每日新鮮手打自家製唔過夜，有自己既獨立工場，而且用上日本小麥粉，而店鋪名會叫「鰹烏冬」，因為佢地既烏冬主打用鰹魚湯熬製而成既湯底，咁認真製作可見佢地絕對係香港入面烏冬既定專家，觀塘總店亦有提供手打烏冬班可以比大家體驗一下。
長沙灣分店外表用心設計，好似係四國見到個D隱世烏冬店，但同時都比較逼D，而觀塘總店就係觀塘最多野食既工廈駱駝漆大廈入面，設計就無長沙灣咁日式。長沙灣分店有自助區可以斟野飲，會有熱水、凍水同玄米茶提供，另外都有餐具自助式咁羅，同埋會有天婦羅碎同七味粉比大家調味。
係觀塘會採取自助式落單，首先會有一個餐牌睇到各款烏冬既相，之後係點餐紙上面落單。鳥冬分為冷熱兩種，熱湯仲有分清湯、半湯、咖哩、鍋仔燒等，烏冬可以散嗌或者跟唔同小食變成套餐，小食有骨付雞、關東煮、天婦羅、味噌焗鯖魚等。
另外一提觀塘總店比起長沙灣分店特別之處係可以揀烏冬既粗幼，但長沙灣分店就無呢個選項，。
-
🍜 熱烏冬 鰹魚清湯烏冬 (烏冬套餐) 💰71（👅: 9/10）
熱烏冬 鰹魚清湯烏冬
$71
22 views
1 likes
0 comments
我個人係最鍾意呢個烏冬，因為佢最似我係四國食到既烏冬，好食既烏冬反而唔需要太多野，普通一個烏冬一個湯已經夠，而係日本半自助式既烏冬店，最多人點都係鰹魚湯烏冬(かけうどん)。
熱食同冷食既分別最主要係烏冬既口感，熱食一定係腍身D而冷食就係硬身D，呢個好睇個人口味因為我有朋友鍾意冷食，但我因為係四國食個時係熱食，所以我印象中好食既烏冬都應該要係食熱食，要食入口即溶既口感，同食佢個湯底既質數，對我黎講熱食先可以試到整體烏冬既高低。
烏冬做法係將烏冬既麵糰經反覆碾壓後用人手切割成麵條，將煮好既麵過冷河，
將冷烏冬放入碗，再將鰹魚湯倒入碗，因為用冷水沖洗過，麵身較彈牙同淡味。烏冬睇落係形狀不一，可見係自己手打既烏冬，食落係非常煙韌夠彈牙，入口即溶，食落仲會有麥香味，雖未到日本第一烏冬，但以香港黎講確實好難有第2間可以追到。
呢個鰹魚湯係清湯，非常夠味，睇落好清香但飲落係明顯既鰹魚味，絕對唔係鰹魚粉既味道，入口鮮甜唔會過鹹，唔需要太多調味已經將個烏冬魅力提升到極致加上簡單既配料好似薑、蔥、海帶、嗚門卷，越簡單越難做得好食。
-
🍤 天婦羅 (烏冬套餐) 💰24（👅: 8/10）
天婦羅
$24
26 views
1 likes
0 comments
天婦羅有鮮蝦、南瓜、多春魚、冬菇同蕃薯，都係用日本沙律油炸成，炸到皮薄香口，外脆內軟。鮮蝦天婦羅比較出色，肉質算鮮嫩，蝦表皮夠香脆，粉漿唔算好厚夠鬆化，食落唔算油膩，而且保留到肉汁，味道唔算重幾岩我口味，感覺天婦羅同烏冬係絕配。
-
🍜冷烏冬 夏一烏冬 (烏冬套餐) 💰80（👅: 8/10）
冷烏冬 夏一烏冬
$80
33 views
1 likes
0 comments
揀左一個冷既烏冬，夏一算係招牌、最多人叫既一款，上面會有個生蛋黃，係環境會見到店鋪係用日本國產既雞蛋，配料仲有紫菜、芝麻、葱、冬瓜、檸檬、薑蓉等，味道偏酸酸地，食落開胃，口感幾清新，唔夠酸仲可以加檸檬汁，蛋汁令烏冬更滑身，幾岩夏天食既烏冬。
上面都有講過，呢個冷烏冬比起熱食會再硬身D煙韌D，我覺得鍾意腍身入口即溶但又唔係煮爛哂個種口感，但依舊係口感同味道都有質數既烏冬。
-
🐔 骨付雞 (烏冬套餐) 💰8（👅: 8.5/10）
骨付雞
$8
26 views
1 likes
0 comments
骨付雞係有骨既雞髀，係四國無咩點見有骨付雞作為餸，一般都係用天婦羅作為餸，但骨付鳥係四國高松市既名物黎，當中食過一間高松市最出名既骨付鳥一鶴，所以我諗店主係想將四國既名物同時帶黎香港。
可以見到骨付鳥上面充滿氣泡，已經感受到係新鮮炸起既熱辣辣感覺，
雞皮燒到夠脆口微焦，食到雞髀上搽左蜜糖同七味粉，味道足夠得黎唔會話太鹹，肉質係非常嫩滑，而且咬落係肉汁豐富，對比起高松食個間感覺仲好食，因為高松唔知係咪迎合當地人口味，調味較重，而今次呢個我覺得好岩我個人口味、甚至係香港人既口味，但建議真係要趁熱食，有試過買外賣，可能唔係即食，個時感覺就無咁好食。
-
🍜 冷烏冬 天婦羅廣島牡蠣半湯烏冬 💰119（👅: 8/10）
同樣係冷烏冬，對於冷烏冬既描述同上面一樣，最大分別係天婦羅廣島牡蠣同佢係半湯。
冷烏冬 天婦羅廣島牡蠣半湯烏冬
$119
19 views
1 likes
0 comments
除左上面既鰹魚湯清湯，仲有呢種半湯既烏冬，湯量比湯清湯少但濃度係冷烏冬同湯烏冬之間，食落似撈麵，但我個人鍾意烏冬腍身D，呢個食落都係太過煙韌個種，但鰹魚湯既味道同樣係足夠。
天婦羅廣島牡蠣
$119
18 views
1 likes
0 comments
至於天婦羅廣島牡蠣既質素係唔錯，溫度足夠，炸漿同樣夠脆夠薄，炸既時間控制得好好，保留到海洋既鮮香味，蠔既肉質都甜鮮且嫩，唔會OVERCOOKED。
-
🌟環境黎講，長沙灣完全係日式設計，好有係日本食烏冬既感覺。
食物黎講，烏冬質數係貼近四國讚歧烏冬，因為係觀塘返工其實之前食過幾次，店鋪有多款烏冬我都食過其實，不過就無影相。總括鰹魚湯咖哩烏冬咖哩味會太重會蓋過鰹魚湯既味道，月見烏冬係加左蛋，其他同普通既烏冬無分別，三文魚籽醬油烏冬算係FUSION食法，但覺得三文魚籽會搶過烏冬本身味道，而且價錢大約100到就食到一個質數唔錯既烏冬同小食，雖然係日本食只係幾百YEN就食到日本最好食既烏冬，但係香港黎講算係幾抵食，有日本思鄉病既人好值得一試。當日去都有烏冬賣哂好似竹簾同抹茶，唔知係最多人叫定本身賣哂。
論服務，長沙灣同觀塘兩間我都去過，觀塘店好細心介紹我知所有烏冬，例如我想食熱烏冬會有咩推介、凍烏冬會有咩推介、小食會推介邊種，佢知道我買外賣會問我幾耐返到去食，因為3個字先返到所以唔建議我叫天婦羅等等既建議，感覺觀塘服務係非常好。
反之長沙灣店個次去係假日夜晚，人氣店要排隊去食好正常完全唔介意，但長沙灣店一黎人手睇落好唔夠，分開左左右兩店但樓面得2-3個人，二黎我三個人去食，但食客都係兩位兩位既組合，負責分位既個位職員完全唔識點樣分配客人入座，每兩個食客離開就比兩個人入，等左4個字成條隊連我後面既人都入哂我地都未入到，明明好簡單將兩個食客調去另一邊我地就可以坐4人枱都唔識，而且見佢每次落單都會好慢重覆一次落左咩，感覺將好簡單既事複雜化，環境雖好但服務遠比觀塘店差，唔係一個好既進食體驗，如果再食可能唔會再去長沙灣店，雖然係黃店烏冬質數都可以但服務同人手真係有待改善。
Post
