天然豚骨拉麵專門店一蘭

Open Now

Now Closed

自疫情由年初以來都冇得飛去日本，真係好掛住日本啲拉麵啊😭冇得去當地食拉麵唯有喺香港食一蘭止住渴先啦。今日去咗尖沙咀嘅一蘭拉麵，夜晚7:30去，都有唔少人等緊，大概等咗20分鐘先有得入座。識食一定係揀濃味湯底+濃厚油，唔好以為咁樣食會好油，其實啲油係會令到成個面順滑咗好多，口感好好多，只要唔飲晒啲湯就得。講返拉麵味道，湯底有濃厚嘅豬骨味鹹度適中，叉燒有豬肉味夠林，再加上少少蔥已經好好食。呢間拉麵暫時係我喺香港最鍾意食嘅拉麵之一。